Tódalas novas

A nobre arte de facer Cousas. Castelao 100 anos despois.

A nobre arte de facer Cousas. Castelao 100 anos despois.

Luns 9 de novembro de 2026.

IES Rosalía de Castro. Santiago de Compostela.

«A NOBRE ARTE DE FACER COUSAS. CASTELAO CEN ANOS DESPÓIS » é unha xornada de encontro na que profesionais de diferentes eidos das artes con marca galega, conversarán sobre o Castelao artista e a súa influencia aínda hoxe, cen anos despois de que vise por primeira vez a luz na Imprenta Lar da Coruña o seu COUSAS. Xuntaranse:

- Alba Pardo, artista e docente da EMAO de Vigo falará sobre exposición CASTELAO NA EMAO.

- Miguel Pérez Ramudo, ilustrador, traerá á conversa o proceso de creación da súa obra CASTELAO EN PONTEVEDRA (1916-1936).

- Pola súa banda, a dramaturga Paula Carballaeira compartirá conosco algún dos segredos que se agochan tras a escrita da obra DANIEL NO PEIRAO, que logo tomo corpo na peza teatral CASTEALO NO PEIRAO.

- O artista Inacio Vilariño (Fantoches Baj) amosará parte do seu espectáculo CASTELAO, UN CORAZÓN Á INTEMPERIE

- para rematar o serán coa conversa e a música de Uxía, que interpretará o tema "A Castelao".

O evento, que conta co apoio da Secretaría da Lingua da Xunta de Galicia e será conducido pola poeta Lucía Aldao, terá lugar o luns 9 de novembro ás 17.30h. no Salón de Actos do IES Rosalía de Castro de Santiago de Compostela, que colabora coa Fundación Castelao cedéndolle o mellor espazo para levar a cabo esta homenaxe no centenario de COUSAS a todas as artistas e/ou entidades que durante o pasado Ano Castelao enxalzaron a arte do ilustre galego por todo o país e fóra das súas fronteiras.

Abrirán o acto o presidentente da FC, Abrirán o acto o presidentente da FC, Miguel Anxo Seixas Seoane, o Secretario da Lingua, Valentín García Gómez e o vicedirector do centro de ensino Miguel Turnes, a quen agradecemos a axuda brindada na organización e a calidade humana.

Entrada de balde ata completar aforo.

info@fundacioncastelao.gal
Rúa do Hórreo, 37, baixo, local 8.
15702 Santiago de Compostela
Aviso Legal
Deputación da Coruña
Xunta de Galicia
Dirección e deseño web: Pepe Barro
Edición web: estudiocaravana